माल्यवान विभीषण से सहमत

माल्यवंत अति सचिव सयाना । तासु बचन सुनि अति सुख माना ॥
तात अनुज तव नीति बिभूषन । सो उर धरहु जो कहत बिभीषन ॥१॥

Malyavant ati sachiv sayaana Taasu bachan suni ati such maana ।
Taat anuj tav neeti Bibheeshan So ur dharahu jo kahat Bibheeshan ॥

रिपु उतकरष कहत सठ दोऊ । दूरि न करहु इहाँ हइ कोऊ ॥
माल्यवंत गृह गयउ बहोरी । कहइ बिभीषनु पुनि कर जोरी ॥२॥

Ripu utakarash kahat sath dou Doori na karahu iha hai kou ।
Malyavant gruh gayau bahoree Kahai Bibheeshan puni kar joree ॥

सुमति कुमति सब कें उर रहहीं । नाथ पुरान निगम अस कहहीं ॥
जहाँ सुमति तहँ संपति नाना । जहाँ कुमति तहँ बिपति निदाना ॥३॥

Sumati kumati sab ke ur rahahee Naath puran nigam as kahahee ।
Jaha sumati tah sampati nana Jaha kumati tah bipati nidaana ॥

तव उर कुमति बसी बिपरीता । हित अनहित मानहु रिपु प्रीता ॥
कालराति निसिचर कुल केरी । तेहि सीता पर प्रीति घनेरी ॥४॥

Tav ur kumati basi bipareeta Hit anahit maanahu ripu preeta ।
Kaalraati nisichar kul keree Tehi Sita par preeti ghaneree ॥

(दोहा)
तात चरन गहि मागउँ राखहु मोर दुलार ।
सीत देहु राम कहुँ अहित न होइ तुम्हार ॥ ४० ॥

Taat charan gahi maagau raakhahu mor dulaar ।
Sita dehu Raam kahu ahit na hoi tumhaar ॥