મારા શ્રીનાથજીનો ભારે છે લટકો
એક હાથ ઉચો રાખતા જાય,
વૈષ્ણવને દુરથી બોલાવતા જાય
મારા શ્રીનાથજીનો ભારે છે લટકો …
 
વાકો મુગટ એના શિરપર સોહે,
ભાલે કુમ કુમ તિલક સોહે
મુખપર મોરલી રાખતા જાય,
મીઠા મીઠા સુર વાલો છેડતો જાય
મારા શ્રીનાથજીનો ભારે છે લટકો …
 
યમુનાને તીર વાલો ધેનુ ચરાવતો,
કામળિને લાકડિ સાથે જ રાખતો.
નાની સી ધોતિ પેરતા જાય,
અંગે ઉપરણૂ ઉડતુ જાય
મારા શ્રીનાથજીનો ભારે છે લટકો …
 
કેડે કંદોરો કટિ મેખલા સોહે
પાયે જાંજર જિણા જિણા જમકે
નાચતો જાય નચાવતો જાય,
વનમા ગાવલડી ચરાવતો જાય
મારા શ્રીનાથજીનો ભારે છે લટકો …
 
જળ ભરવા જાય ત્યારે પાછળ પાછળ આવતો,
નજર ચુકથી મારા બેડલા રે ફોડતો.
હરખાતો જાય મલકાતો જાય,
મારી નવરંગ ચુંદડી ભિંજાવતો જાય   
મારા શ્રીનાથજીનો ભારે છે લટકો …
 
સાંજ પડે પ્રભુ દોડ એવિ મુકતા,
માતા જસોદાનો ખોળો એ ખુંદ્તા
એ માતા વારણા લેતા જાય,
ચુંબન કરિને હરખાતા જાય,
મારા શ્રીનાથજીનો ભારે છે લટકો …

દાસ ગોવિંદના સ્વામી શામળિયા,
વૈષ્ણવ મંડળના સ્વામી શામળિયા
નિત્ય ગુણલા ગાતા જાય,
ચરણોમાં શીશ નમાવતા જાય,
મારા શ્રીનાથજીનો ભારે છે લટકો …