મારે વર તો ગિરિધરને વરવું છે
By-Gujju13-05-2023
236 Views
![મારે વર તો ગિરિધરને વરવું છે](https://gujjuplanet.com/app/themes/twentytwentyone-child-new/images/not-found.png)
મારે વર તો ગિરિધરને વરવું છે
By Gujju13-05-2023
236 Views
મારે વર તો ગિરિધરને વરવું છે,
હાં રે બીજાને મારે શું કરવું છે? રે … મારે વર તો.
નંદના કુંવર સાથે નેડલો બંધાણો રે,
હાં રે મારે ધ્યાન ધણીનું ધરવું છે રે … મારે વર તો.
અવર પુરુષની મારે આશ ન કરવી રે,
હાં રે મારે છેડલો ઝાલીને ફરવું છે રે … મારે વર તો.
સંસારસાગર મોહજાળ ભરિયો રે,
હાં રે મારે તારે ભરોસેં તરવું છે રે … મારે વર તો.
બાઈ મીરાં કહે પ્રભુ ગિરિધર નાગર!
હાં રે મારે રાસમંડળમાં રમવું છે રે … મારે વર તો.
– મીરાંબાઈ