Pelu Re Pelu Mangaliyu Gujarati Lyrics
By-Gujju12-05-2023
![Pelu Re Pelu Mangaliyu Gujarati Lyrics](https://gujjuplanet.com/app/themes/twentytwentyone-child-new/images/not-found.png)
Pelu Re Pelu Mangaliyu Gujarati Lyrics
By Gujju12-05-2023
પહેલું તે મંગળ વરતિયું ફેરા ફરે વધુ વરરાજ
પહેલે તે જવતલ હોમતા વીરાજી હરખાય
પહેલે તે મંગળ દીકરીને ગાયોના દાન દેવાય
વરસે ફૂલડાં ચોરીયે મંગળ ગીત ગવાય
મંગળ ગીત ગવાય
મંગળ ગીત ગવાય
પહેલું પહેલું મંગળિયું વરતાય રે
પહેલે મંગળ સાના તે દાન દેવાય રે
પહેલે મંગળ ગાયોના દાન દેવાય રે
અગ્નિદેવની સાક્ષીએ ફેરા ફરાય રે
બીજું તે મંગળ વરતિયું ફેરા ફરે વધુ વરરાજ
નોબત બાજે માંડવે ને ગુંજે રૂડી શરણાઈ
બીજે તે મંગળ દીકરીને સોનાના દાન દેવાય
સ્નેહી સ્વજન સૌવ હોશથી આશિષ આપે વધાય
આશિષ આપે વધાય
આશિષ આપે વધાય
બીજું બીજું મંગળિયું વરતાય રે
બીજે મંગળ સાના તે દાન દેવાય રે
બીજે મંગળ સોનાનાં દાન દેવાય રે
અરે ફૂલડાં કેરી ફોરમ બધે વરતાય રે
ત્રીજું તે મંગળ વરતિયું ફેરા ફરે વધુ વરરાજ
ત્રણે ભુવનથી માંડવે આશિષ વર્ષા થાય
ત્રીજે તે મંગળ દીકરીને રૂપાના દાન દેવાય
આનંદની ચોરીમાં ચારે દિશે વરતાય
ચારે દિશે વરતાય
ચારે દિશે વરતાય
ત્રીજું ત્રીજું મંગળિયું વરતાય રે
ત્રીજે મંગળ સાના તે દાન દેવાય રે
ત્રીજે મંગળ રૂપાના દાન દેવાય રે
સૌવને હૈયે આંદન અતિ ઉભરાય રે
ચોથું તે મંગળ વરતિયું ફેરા ફરે વધુ વરરાજ
ઓઢી પિયુની ચુંદડી અંગ ઉમંગ ના માય
ચોથે તે મંગળ ભરી સભામા કન્યાના દાન દેવાય
કાચાં સુતરના તાંતણે ભવ-ભવની ગાંઠ બંધાય
ભવ-ભવની ગાંઠ બંધાય
ભવ-ભવની ગાંઠ બંધાય
www.gujjuplanet.com
ચોથું ચોથું મંગળિયું વરતાય રે
ચોથે મંગળ સાના તે દાન દેવાય રે
ચોથે મંગળ કન્યાનાં દાન દેવાય રે
એવા દાન વૈકુઠમા વખણાય રે