દીકરી મારી લાડકવાયી લક્ષ્મી નો અવતાર હો
દીકરી મારી લાડકવાયી લક્ષ્મી નો અવતાર
એ સુવે તો રાત પડે ને જાગે તો સવાર
દીકરી મારી લાડકવાયી…

દીકરી તારા વહાલ નો દરિયો જીવનભર છલકાય
પામતા જીવન માતપિતા નું ધન્ય થઈ જાય
દીકરી તારા વહાલ નો દરિયો જીવનભર છલકાય
પામતા જીવન માતપિતા નું ધન્ય થઈ જાય
એક જ સ્મિત મા તારા ચમકે મોતીડા હાજર
દીકરી મારી લાડકવાયી…

ઢીંગલા સાથે રમતી ઢીંગલી જેવું મારૂ બાળ
રમતા થાકી ને ભૂખ લાગે તો ખીર રાખુ તૈયાર
ઢીંગલા સાથે રમતી ઢીંગલી જેવું મારૂ બાળ
રમતા થાકી ને ભૂખ લાગે તો ખીર રાખુ તૈયાર
રૂપ મા તારા લાગે મને પરી નો અણસાર
દીકરી મારી લાડકવાયી…

કાલી ઘેલી વાણી થી ઘર ઘૂઘરો થઇ ને ગુંજે
પાપા પગલી ચલાવતા બાપનુ હૈયું ઝૂમે
કાલી ઘેલી વાણી થી ઘર ઘૂઘરો થઇ ને ગુંજે
પાપા પગલી ચલાવતા બાપનુ હૈયું ઝૂમે
દીકરી તું તો માતપિતા નો સાચો છે આધાર
દીકરી મારી લાડકવાયી…
gujjuplanet.com

હૈયા ના ઝૂલે હેત ની દોરી બાંધી તને ઝુલાવુ
હાલરડા ની રેશમી રજાઈ તને હુ ઓઢાડુ
હૈયા ના ઝૂલે હેત ની દોરી બાંધી તને ઝુલાવુ
હાલરડા ની રેશમી રજાઈ તને હુ ઓઢાડુ
પાવન પગલે તારા મારો ઉજળો છે સંસાર
દીકરી મારી લાડકવાયી લક્ષ્મી નો અવતાર
એ સુવે તો રાત પડે ને જાગે તો સવાર
દીકરી મારી લાડકવાયી…