હેજી જેસલ કરી લે વિચાર
માથે જમનો છે માર
સપના જેવો છે સંસાર
તોળી રાણી કરે રે પોકાર
આવો ને જેસલ રાય
આપણ પ્રેમ થકી મળીયે હોજી
હેજી પુરા સંત હોય ત્યાં ભલિયે હોજી

અનુભવી આવ્યો છે અવતાર
માથે સદગુરુનો આધાર
જાવું મારે ધણી દરબાર
બેડલી ઉતારી ભવ પાર
ગુરુના ગુણનો નહિ પાર
મુક્તિ ખાંડા કેરી ધાર
નુગરા શું જાણે રે સંસાર
એનો એળે ગ્યો રે અવતાર
આવો ને જેસલ રાય
આપણ પ્રેમ થકી મળીયે હોજી
હેજી પુરા સંત હોય ત્યાં ભલિયે હોજી

ગુરુ ની ગતી ગુરુ ને પાસ
જેવી કસ્તુરી માં વ્હાલ
ધણી  તારા નામ નો વિશ્વાસ
દીનો નાથ પુરે  સૌની આસ
હે  નિત્ય ઉઠી  નહાવા ને જાય
કોયલા ઉજળા ના થાય
ગુણી  આનો પેટડો જો  થાઇ
ઇ બાપ કેને કેવા  જાય
આવો ને જેસલ રાય
આપણ પ્રેમ થકી મળીયે હોજી
હેજી પુરા સંત હોય ત્યાં ભલિયે હોજી
હેજી પુરા સંત હોય ત્યાં ભલિયે હોજી

દીધા મેથી કરવા ને જાય
ઈતો   અધુર્યા કહેવાય
કુડીયા કુવે  પડવાને જાય
મુરખ મુલિયો  કુમાર
એક વિનતિ તેડા થઇ
ઇતો અધુર્યા કહેવાય
કાયા નૂર ના વર્તાય
એના કલ્યાણ કેમ કરી થાય
આવો ને જેસલ રાય
આપણ પ્રેમ થકી મળીયે હોજી
હેજી પુરા સંત હોય ત્યાં ભલિયે હોજી
હેજી પુરા સંત હોય ત્યાં ભલિયે હોજી

હે સીપ સમંદર માં થાય
એની ધન્ય રે કમાય
સ્વાતિના મેહુલા વરસાય
ત્યાં તો હાચાં મોતીડાં બંધાઈ
હે હીરલા એરણમાં ઓરાય
માથે ઘણ કેરા ઘા
ફૂટે ઇ તો ફટકિયા કેવાય
ખરાની ખરે ખબર્યું થાય
આવો ને જેસલ રાય
આપણ પ્રેમ થકી મળીયે હોજી
હેજી પુરા સંત હોય ત્યાં ભલિયે હોજી
હેજી પુરા સંત હોય ત્યાં ભલિયે હોજી

હે ચાંદા સૂરજનો પ્રકાશ
નવલખ તારા એની પાસ
પવન પાણી ને પ્રકાશ
સૌ લોક કરે એની આશ ,
 સંત વિરલા ત્યાં થાય
હીરલા માણેક ત્યાં પુરાય
આવો ને જેસલ રાય
આપણ પ્રેમ થકી મળીયે હોજી
હેજી પુરા સંત હોય ત્યાં ભલિયે હોજી
હેજી પુરા સંત હોય ત્યાં ભલિયે હોજી