પ્રધાનમંત્રી ઈન્ટર્નશિપ યોજના શું છે?

કેન્દ્ર સરકારે ભારતના યુવા વર્ગ માટે એક નવી અને મહત્વકાંક્ષી યોજના શરૂ કરી છે, જેને ‘પ્રધાનમંત્રી ઈન્ટર્નશિપ યોજના’ નામ આપવામાં આવ્યું છે. આ યોજના હેઠળ યુવાઓને દેશની ટોપ 500 કંપનીઓમાં ઇન્ટર્નશિપ કરવાની તક મળશે, જેથી તેઓને વ્યાવસાયિક જગતમાં અમૂલ્ય અનુભવ મેળવી શકાય. આ યોજનાની અરજી કરવા માટે ઉમેદવારો 12 ઓક્ટોબરથી www.pminternship.mca.gov.in પોર્ટલ દ્વારા અરજી કરી શકે છે. પસંદગીની પ્રક્રિયા 27 ઓક્ટોબરથી શરૂ થઈને 7 નવેમ્બર સુધી ચાલશે.

દર મહિને કેટલી નાણાકીય સહાય મળશે?

પસંદગી પ્રક્રિયા પૂર્ણ થયા બાદ, પ્રથમ બેચની ઇન્ટર્નશિપ 2 ડિસેમ્બરથી શરૂ થશે. આ ઇન્ટર્નશિપ દરમિયાન યુવાન ઉમેદવારોને દર મહિને રૂ. 5000 નાણાકીય સહાય મળશે, જેથી તેમની જીવન જરૂરીયાતોની પૂરતી સપોર્ટ મળી શકે. આ યોજનાના માધ્યમથી સરકાર 5 વર્ષમાં 1 કરોડ જેટલા યુવાઓને ઇન્ટર્નશિપનો અવસર પ્રદાન કરવા માટે રૂ. 800 કરોડનો ખર્ચ કરશે, જે એક મોટા પાયે યુવા વિકાસ માટેની પહેલ છે.

યોજનાની લાયકાત શું છે?

‘પ્રધાનમંત્રી ઈન્ટર્નશિપ યોજના’ માટે ઉમેદવારોને ઓછામાં ઓછું 10મા ધોરણ પાસ હોવું જરૂરી છે. આ ઉપરાંત, ઉમેદવારની ઉંમર 21 થી 24 વર્ષની વચ્ચે હોવી જોઈએ. રજિસ્ટ્રેશન પ્રક્રિયા દરમિયાન ઉમેદવારોને આધાર આધારિત KYC (Know Your Customer) પ્રક્રિયા પૂર્ણ કરવી પડશે અને લાયકાતનું સેલ્ફ ડિક્લેરેશન પણ જરૂરી રહેશે.

પીએમ ઈન્ટર્નશિપ કોણ કરી શકે છે?

આ ઇન્ટર્નશિપ યોજનાનો મુખ્ય હેતુ છે કે યુવાઓને વ્યાવસાયિક અનુભવ પ્રાપ્ત થાય અને સાથે-સાથે ભવિષ્યમાં તેમને રોજગાર મેળવા માટે સક્ષમ બનાવવામાં આવે. ઇન્ટર્નશિપ પૂર્ણ થયા પછી નોકરીની ગેરંટી આપવામાં આવતી નથી, પરંતુ ઇન્ટર્નશિપ દરમિયાન મેળવેલા અનુભવ અને નેટવર્કિંગ થકી કરિયર નિર્માણની નવી તકો ખૂલી જાય છે. પસંદ કરાયેલા ઈન્ટર્નોને દર મહિને રૂ. 5000 ની નાણાકીય સહાય મળવાની સાથે, ઇન્ટર્નશીપ પૂર્ણ થયા પછી રૂ. 6000 ની એકમુસ્ત સહાય પણ આપવામાં આવશે. આ ઇન્ટર્નશિપ કુલ 12 મહિના માટે ચાલશે.

આ ઉપરાંત, ભારત સરકાર દરેક ઈન્ટર્નને ‘પ્રધાનમંત્રી જીવન જ્યોતિ વીમા યોજના’ અને ‘પ્રધાનમંત્રી સુરક્ષા વીમા યોજના’ હેઠળ વીમા કવચ પ્રદાન કરશે, જેથી તેઓને ભવિષ્યમાં સુરક્ષાનું આશ્રય મળી રહે અને કોઈ પણ અનિચ્છનીય પરિસ્થિતિમાં નાણાકીય સંકટ ન થાય.

આ યોજના ભારતના યુવાઓને વ્યવસાય ક્ષેત્રમાં સક્ષમ બનાવવામાં મહત્વની ભૂમિકા ભજવશે અને તેમને એક મજબૂત કરિયરની દિશામાં આગળ વધવા માટે પ્રોત્સાહિત કરશે.

કોણ અરજી કરી શકશે નહીં?

પ્રધાનમંત્રી ઈન્ટર્નશિપ યોજના માટે તેઓ જ અરજી કરી શકશે નહીં જેઓ હાયર એજ્યુકેશન કોર્સ કરી રહ્યા છે, અથવા ફુલ ટાઈમ નોકરીમાં છે. આ યોજનાનો લાભ તેઓ નહીં લઈ શકે જેઓના પરિવારની વાર્ષિક આવક 8 લાખ રૂપિયાથી વધુ છે. સાથે જ, સરકારમાં નોકરી કરતાં પરિવારના સભ્યો ધરાવતાં યુવાઓ પણ આ યોજનાનો લાભ મેળવી શકશે નહીં.

કોણ કરી શકે છે આ યોજનાનો લાભ:

• શૈક્ષણિક લાયકાત: અરજી કરનાર ઉમેદવાર ઓછામાં ઓછું 10મું ધોરણ પાસ હોવો જરૂરી છે.
• ઉંમરની માપદંડ: ઉમેદવારની ઉંમર 21 થી 24 વર્ષની વચ્ચે હોવી જોઈએ.
• સરકારી નોકરી: આ યોજના માટે તેવા યુવાઓ જ પાત્ર ગણવામાં આવશે જેઓના પરિવારના કોઈપણ સભ્ય સરકારી નોકરીમાં ન હોય.
• આવકવેરો: અરજદારના પરિવારના કોઈપણ સભ્ય દ્વારા આવકવેરો ફાઇલ કરાતું ન હોવું જોઈએ.
• પરિવારની વાર્ષિક આવક: પરિવારની વાર્ષિક આવક 8 લાખ રૂપિયાથી વધુ ન હોવી જોઈએ, જેથી આ યોજના ખાસ કરીને મધ્યમ વર્ગના પરિવારો માટે ફાયદાકારક બને.
• કોર્સ કરતી વખતે ઈન્ટર્નશીપ પર પ્રતિબંધ: ઈન્ટર્નશીપ દરમિયાન અન્ય કોઈ પણ પ્રકારના શૈક્ષણિક કોર્સ કરવા પર પ્રતિબંધ રહેશે, જેથી ઈન્ટર્નશીપમાં સંપૂર્ણ ધ્યાન અને પ્રતિબદ્ધતા આપી શકાય.
• વિશેષતા: આ ઈન્ટર્નશીપ IIT, IIMના વિદ્યાર્થીઓ અથવા ફુલ ટાઈમ જોબ ધરાવતા યુવાઓ માટે નથી.

આના માધ્યમથી સરકાર માદ્યમ અને નીચલા વર્ગના યુવાઓને વધુ તક અને માર્ગદર્શન પૂરુ પાડવાનું ધ્યેય ધરાવે છે, જેથી તેઓ પોતાના ભવિષ્ય માટે શ્રેષ્ઠ તકની પસંદગી કરી શકે.

તમને કેટલું મળશે સ્ટાઇપેન્ડ:

પ્રધાનમંત્રી ઇન્ટર્નશિપ યોજના હેઠળ દરેક ઇન્ટર્નને લગભગ ₹5,000નું સ્ટાઇપેન્ડ આપવામાં આવશે. આ પૈકી, સરકાર તરફથી ₹4,500ની સહાય આપવામાં આવશે અને બાકીનાં ₹500 સી.એસ.આર. (CSR) ફંડમાંથી આપવામાં આવશે. દર મહિને મળતા આ ₹5,000 ઉપરાંત, કેન્દ્ર સરકાર એક વર્ષ પછી દરેક ઇન્ટર્નને એક વખત વધારાના ₹6,000ની સહાય પણ આપશે.

Pradhan Mantri Internship Scheme – નોંધણી પ્રક્રિયા અને અનામત

સરકારે સ્પષ્ટ કર્યું છે કે આ ઇન્ટર્નશીપ કાર્યક્રમ એસસી, એસટી, અને ઓબીસી ઉમેદવારો માટે અનામતના નિયમોનું કડક પાલન કરશે. આ અનામતના નિયમો ભારતના તમામ યુવાનોને આ સમાન અવસર આપવા માટે મહત્વપૂર્ણ છે.

તેમજ, સરકાર આ ઇન્ટર્નશીપ પ્રોગ્રામ અંગે એક મહત્વપૂર્ણ જાણકારી પણ આપે છે કે આ કોઈપણ નોકરીની ખાતરી આપતો નથી. આ ઇન્ટર્નશીપ માત્ર બાર મહિનાની છે, અને તેનો સમયગાળો બાર મહિનાથી વધારે નહીં કરવામાં આવે.

પ્રધાનમંત્રી ઇન્ટર્નશીપ સ્કીમ – યુવાનો માટે નવી તક

પ્રધાનમંત્રી ઇન્ટર્નશીપ સ્કીમ દેશના યુવાનોને સફળતાના નવા માર્ગ પર લઈ જવા માટે તૈયાર છે. આ યોજના યુવાનોને નવા અવસર આપતી અને તેમનું વ્યાવસાયિક જીવન માટેનો મજબૂત આધાર બની શકે છે. આ સ્કીમ માત્ર રોજગારીને લઈને જ નથી, પરંતુ તે દેશના સર્વાંગીણ વિકાસ માટે યુવાનોના પ્રદાન અને તેમને દેશના ભવિષ્ય માટે શક્તિશાળી પ્રતિભા તરીકે તૈયાર કરે છે.

આ યોજના નવિન વિચારોની શોધ અને શક્તિશાળી પ્રતિભાની ઓળખાણ કરવા માટે છે, જે આપણાં દેશના ભવિષ્યને બદલવામાં મહત્વનો ભાગ ભજવી શકે છે.

આ પણ વાંચો:-

• SDM Yojana: હવે સરકાર શૌચાલય બનાવવા માટે આપશે 12 હજાર રૂપિયાની સહાય, અહિથી અરજી કરો
• Ration Card E-KYC: ઘરે બેઠા રેશન કાર્ડ KYC કેવી રીતે કરવું – જાણો સંપૂર્ણ પ્રોસેસ