આજ વૃંદાવન આનંદસાગર
By-Gujju04-05-2023
234 Views
![આજ વૃંદાવન આનંદસાગર](https://gujjuplanet.com/app/themes/twentytwentyone-child-new/images/not-found.png)
આજ વૃંદાવન આનંદસાગર
By Gujju04-05-2023
234 Views
આજ વૃંદાવન આનંદસાગર,
શામળિયો રંગે રાસ રમે;
નટવર-વેશે વેણ વજાડે,
ગોપી મન ગોપાળ ગમે.
એક એક ગોપી સાથે માધવ,
કર ગ્રહી મંડળ માંહે ભમે;
તા થૈ તા થૈ તાન મિલાવે,
રાગ-રાગણી માંહે ઘૂમે.
સોળ કલાનો શશિયર શિર પર,
ઉડુગણ સહિત બ્રહ્માંડ ભમે;
ધીર સમીરે જમુનાતીરે
તનના તાપ ત્રિવિધ શમે.
હરખ્યા સુરનર દેવ મુનિજન
પુષ્પવૃષ્ટિ કરે, ચરણ નમે;
ભણે નરસૈંયો ધન્ય વ્રજનારી,
એને કાજે જે દેહ દમે.
– નરસિંહ મહેતા