મેહુલો ગાજે ને માધવ નાચે
By-Gujju28-04-2023
295 Views
![મેહુલો ગાજે ને માધવ નાચે](https://gujjuplanet.com/app/themes/twentytwentyone-child-new/images/not-found.png)
મેહુલો ગાજે ને માધવ નાચે
By Gujju28-04-2023
295 Views
મેહુલો ગાજે ને માધવ નાચે,
રૂમઝૂમ વાગે પાયે ઘુઘરડી રે,
તાલ પખાજ વજાડે રે ગોપી,
વહાલો વજાડે વેણુ વાંસલડી રે.
પહેરણ ચીર, ચરણા ને ચોળી,
ઓઢણ આછી લોબરડી રે;
દાદુર, મોર, બપૈયા બોલે,
મધુરી શી બોલે કોયલડી રે.
ધન્ય બંસીવટ, ધન્ય જમુનાતટ,
ધન્ય વૃંદાવનમાં અવતાર રે;
ધન્ય નરસૈયાની જીભલડીને,
જેણે ગાયો રાગ મલ્હાર રે..
– નરસિંહ મહેતા