જય ઉમિયા માતા, ૐ જય ઉમિયા માતા,
આરતી ગાતા તમારી, હૈયા હરખાતા,
ૐ જય ઉમિયા માતા

લાખો દિવડા જળહળ બળતા,
તેજ તણો નહીં પાર,
મૈયા તેજ તણો નહીં પાર,
દિવ્ય અલૌકિક આભા,
વિજળીનો ચમકાર,
ૐ જય ઉમિયા માતા

મંગલકારી મુર્તિ તમારી,
મંદિરમાં શોભે,
મૈયા મંદિરમાં શોભે,
દર્શન કરવા તમારા,
મન સૌનુ લોભે,
ૐ જય ઉમિયા માતા

ઢોલ નગારા શરણાયુંને,
ઝાલરનો ઝણકાર,
મૈયા ઝાલરનો ઝણકાર,
મીઠા સૂર મોરલીના,
કરતા એકાકાર,
ૐ જય ઉમિયા માતા

અનેક રૂપે એક તમે છો,
પરચા માઁ પુરનાર,
મૈયા પરચા માઁ પુરનાર,
મહીમા તમારો મોટો,
જગમાં જય જયકાર,
ૐ જય ઉમિયા માતા

સચરાચરમાં વાસ કરો છો,
માતા મમતાળી,
મૈયા માતા મમતાળી,
સમરે વેલા આવો,
કરવા રખવાળી,
ૐ જય ઉમિયા માતા

ભવસાગરમાં ભટકેલાને,
પલમાં માઁ તારે,
મૈયા પલમાં માઁ તારે,
પાપી પાવન થાતા,
માઁ તારા ઘ્વારે,
ૐ જય ઉમિયા માતા

આદી અનાદી માત તમે છો,
વેદોમાં વખણાતાં,
મૈયા વેદોમાં વખણાતાં,
દેવો,દાનવ,માનવ,
ગુણ તારા ગાતા,
ૐ જય ઉમિયા માતા

અમી ભરેલી આંખોથી,
માઁ અમૃત વરસાવો,
મૈયા અમૃત વરસાવો,
સુના પડેલા જીવનમાં ખુશીયો લહેરાવો,
ૐ જય ઉમિયા માતા

ફોરમતા ફુલડાનો હું તો,
ફુલગજરો લાવું,
મૈયા ફુલગજરો લાવું,
હૈયાના હેતેથી માઁ તમને પહેરાવું,
ૐ જય ઉમિયા માતા

શ્વાસે શ્વાસે સમરણ કરતો,
અતુલ તમારો દાસ,
મૈયા અતુલ તમારો દાસ,
ભક્તોને દર્શન આપો,
પુરણ કરો માઁ આશ,
ૐ જય ઉમિયા માતા

જય ઉમિયા માતા, ૐ જયઉમિયા માતા,
આરતી ગાતા તમારી, હૈયા હરખાતા,
ૐ જય ઉમિયા માતા, ૐ જય ઉમિયા માતા,
ૐ જય ઉમિયા માતા, ૐ જય ઉમિયા માતા,
ૐ જય ઉમિયા માતા.

બોલીએ ઉમિયા માતકી જય…

આ પણ વાંચો:

• જય જલિયાણ બાપા આરતી – Jalaram Bapa Ni Aarti Lyrics in Gujarati
• Sri Durga Chalisa: નમો નમો દુર્ગે સુખ કરની
• મહાકાળી ચાલીસા (Shree Mahakali Chalisa in Gujarati)
• જય આધ્યા શક્તિ આરતી | Jay Adhya Shakti Aarti in Gujarati
• ગણેશ આરતી | Ganesh Aarti Lyrics in Gujarati
• દશામાં આરતી | Dashama Aarti Gujarati Lyrics